Chhungril Hlutna: Christian, Thianghlimna, Rawngbawlna

Chhungril Hlutna: Christian, Thianghlimna, Rawngbawlna

RINNA NUNG

Nazarene Thumarte

Pawl tinte hun rei tak chhung an lo din theih chhan chu an thil tumah te, an thuuarah te leh an thil ngaihhlut bik danah te a lo innghat fo thin a. Chutiang bawkin Nazarene kohhran pawh hi a lo ding chhuak a nia. Kan kohhran chuan Pathian Thu Thianghlim hmanga khawvel siam that hi a thil tum lian ber a ni. Chutichuan kohhran chu Thupek Ropui dawng kohhran a nih ang bawkin Thianghlimna Kohhran pawh a ni a. Kan hna ropui ber chu hnam tina mite zirtirtea siam a, Krista anna lama kaih hruai hi a ni.

Tun hun leh nakin hun a tana Nazarene Kohhran nun chu Pathian rawng kan bawl danin a hril a. Chuchuan Krista kohhran a nihna a lan tir a ni. Chutichuan kohhran chu a thurin maia danglam bik ni lovin, Pathian ram a zauhnaah kawnghmang fel taka a thawh dan hian a ti famkim zual bik a ni.

Tun kum sangbi thar a Nazarene kohhranin ke a pen luh rual hian, Kohhranin hlim taka a lo pawm leh a lo lawm bik thilte kan hriat chian a tul a. Kan nihna hlu takte chu kan hnathawhah te, rawngbawl tura koh kan nihnaah te, kan thu uar bikah te leh kan thil ngaihhlut zawngahte a lang a. Chungte chu tun hnua thlah rawn kal zel turte tan hlim leh lawm takin kan han hian chawng a ni.

Chuvangin, he kan thu laipuite hian hruaitu arsi anga tun hma atanga lo awm tawh kohhran eng leh hlimthla hnuaia kohhran mite a kaihhruai zel kan bei sei a. Chuchu kan tawngtai thupui ber pawh a ni.

Thurin Laipuite

I. Kristian Kan Ni

Khawvela Huapzo kohhran zinga mi kan nih angin, Isua Krista Lalna chu puang chhuakm leh Kristian Rinnaina a thu lo siam Trinity Thuvawn pawm ringtu diktakte chu kan zawm a. Chutahchuan Wesleya zirtirna Thianghlimna Thuchah chu kan uar zual bik a ni. Chutichuan, rinna dik tak kan neih theih dan kawngte chu Pathian thawk khum Baibulah te, kan ngaihtuahnaah te, hnam nunphungah te, leh tawnhriatna te hmangin a ni tih kan pawm a ni.

2. Mi ThanghlimKan Ni

MiThianghlim Pathian chuan nun thianghlim nei turin min ko va. Chuvangin Thlarau Thianghlim chuan khawngaihna hna thawh vawi hnihna kan nuna lo thleng turin a duh tih kan ring a ni. Chu chu “Thianghlim Famkimna” leh “Thlarau Thianghlim Baptisma” titein kan ko thin a. Chu hna thawh chuan sual zawng zawng ata min tleng faiin, Pathian anpuia min siam thar leh bakah kan thinlung, kan rilru leh kan chakna zawng zawnga Pathian hmangaih tur leh kan vengte hmangaih turin min siam tha a ni. Chutichuan Krista anna lamah kan nun min kai hruai a, chuvangin ringtute nuna Thianghlimna chu Krista mizia tia koh a lo ni.

3. Rawngbawl Mi Kan Ni

Keini chu Krista kohna changtute leh Thlarau Thianghlim chakna-a khawvela kal tura “tirh chhuahte" kan ni. Tichuan Krista Lalna thuhretute niin kohhran din leh Pathian ram zauhva amah nena rawngbawl thintu kan ni (I Kor. 6:1). Kan rawngbawl dante chu (a) Pathian Biaknain kan tan a, (b) khawvela chanchin tha hril te leh Lainatna rawngbawl hna te, (c) ringtute siam puiding tura inzirtir tura fuihna te, (d) hmeichhia leh mipate rawngbawl thei tura zirna sang buatsaih te a ni.

Tabs

Subscribe to Chhungril Hlutna: Christian, Thianghlimna, Rawngbawlna